.jpg)
உயிர்த்த ஞாயிறு தின பயங்கரவாதத் தாக்குதல்கள் தொடர்பாக கொழும்பு மேல் நீதிமன்றத்தில் இடம்பெற்ற பிரதான வழக்கில் 15 பேர் குற்றவாளிகளாக அறிவிக்கப்பட்டுள்ளதுடன், அவர்களுக்கு 200 முதல் 260 ஆண்டுகள் வரை கடும் சிறைத்தண்டனை விதிக்கப்பட்டுள்ளது.
நௌஃபர் மௌலவி உள்ளிட்ட 24 பேருக்கு எதிராக தொடரப்பட்ட வழக்கில், மூவரடங்கிய Trial-at-Bar நீதிபதிகள் குழாம் தீர்ப்பை வழங்கியுள்ளது. 15 பேருக்கு எதிரான குற்றச்சாட்டுகள் நிரூபிக்கப்பட்ட நிலையில், ஏனைய 9 பேரும் குற்றச்சாட்டுகளில் இருந்து விடுவிக்கப்பட்டுள்ளனர்.
குற்றவாளிகளாக அறிவிக்கப்பட்டவர்களில் ஒருவருக்கு 260 ஆண்டுகள் சிறைத்தண்டனையும், நான்கு பேருக்கு தலா 240 ஆண்டுகளும், ஐந்து பேருக்கு தலா 220 ஆண்டுகளும், மேலும் ஐந்து பேருக்கு தலா 200 ஆண்டுகளும் கடும் சிறைத்தண்டனை விதிக்கப்பட்டுள்ளது.
அத்துடன், தண்டனை விதிக்கப்பட்ட 15 பேருக்கும் சொந்தமான அசையும் மற்றும் அசையா சொத்துக்களை அரசுடமையாக்குமாறும் நீதிமன்றம் உத்தரவிட்டுள்ளது.
இந்த வழக்கு 23,270 குற்றச்சாட்டுகளை உள்ளடக்கியிருந்ததுடன், அரச தரப்பு சார்பில் 2,309 சாட்சிகள் விசாரணைக்கு அழைக்கப்பட்டிருந்தனர். நீண்டகாலமாக இடம்பெற்ற விசாரணையின் பின்னர் கடந்த 22ஆம் திகதி தீர்ப்பு வழங்கப்பட்டது.
பொது அறிவு வினாடி வினா
உங்கள் அறிவை சோதித்துப் பாருங்கள்!
