.jpg)
அடுத்த காலாண்டில் மின்சாரக் கட்டணத்தை உயர்த்துவதற்கான கோரிக்கையை முன்வைக்க எந்த எதிர்பார்ப்பும் இல்லை என வலுசக்தி அமைச்சர் அனுர கருணாதிலக தெரிவித்துள்ளார்.
பாராளுமன்றத்தில் இன்று (11) உரையாற்றிய அவர், நாட்டில் எதிர்பார்த்ததை விட அதிகளவில் மழை பெய்துள்ளதால் நீர்மின் உற்பத்தி மூலம் மின்சாரம் தயாரிப்பதற்கான செலவை ஓரளவு குறைக்க முடிந்துள்ளதாக தெரிவித்தார்.
அதிக மழைவீழ்ச்சியால் நீர்மின் உற்பத்திக்கான வாய்ப்பு அதிகரித்துள்ள நிலையில், அடுத்த காலாண்டில் மின்சாரக் கட்டணத்தை அதிகரிக்க வேண்டிய தேவை ஏற்படவில்லை என அமைச்சர் குறிப்பிட்டார்.
எனவே, மின்சாரக் கட்டணத்தை அதிகரிக்குமாறு எந்தவொரு கோரிக்கையையும் முன்வைக்க அமைச்சு எதிர்பார்க்கவில்லை என்றும் அவர் தெரிவித்தார்.
மேலும், எதிர்வரும் ஆண்டின் ஜனவரி முதல் மார்ச் வரையான காலப்பகுதியில் நாட்டில் தடையற்ற மின்சார விநியோகத்தை உறுதி செய்வதற்கான நடவடிக்கைகள் மேற்கொள்ளப்பட்டுள்ளதாகவும் அனுர கருணாதிலக கூறினார்.
இதற்குத் தேவையான திட்டங்கள் மற்றும் நடவடிக்கைகளை வலுசக்தி அமைச்சு ஏற்கனவே முன்னெடுத்துள்ளதாகவும் அவர் சுட்டிக்காட்டினார்.
பொது அறிவு வினாடி வினா
உங்கள் அறிவை சோதித்துப் பாருங்கள்!
