.jpg)
காங்கேசன்துறையிலிருந்து மன்னார் ஊடாக கற்பிட்டி வரையான கடற்பரப்புகளுக்கு வளிமண்டலவியல் திணைக்களம் சிவப்பு எச்சரிக்கை அறிவிப்பை வெளியிட்டுள்ளது.
இந்த எச்சரிக்கை நாளை காலை 10.30 மணி வரையிலான அடுத்த 24 மணித்தியாலங்களுக்கு அமுலில் இருக்கும் என தெரிவிக்கப்பட்டுள்ளது.
வளிமண்டலவியல் திணைக்களத்தின் அறிவிப்பின்படி, காங்கேசன்துறையிலிருந்து மன்னார் ஊடாக கற்பிட்டி வரையான கடற்கரைக்கு அப்பாலுள்ள கடற்பரப்புகளில் காற்றின் வேகம் அவ்வப்போது மணித்தியாலத்திற்கு 60 முதல் 70 கிலோமீட்டர் வரை அதிகரிக்கக்கூடும்.
மேலும், குறித்த கடற்பரப்புகள் சில நேரங்களில் மிகவும் கொந்தளிப்பான நிலையில் காணப்படும் என்றும் எச்சரிக்கப்பட்டுள்ளது.
இதன் காரணமாக மீனவர்கள் மற்றும் கடல்சார் நடவடிக்கைகளில் ஈடுபடுவோர் மிகுந்த அவதானத்துடன் செயற்படுமாறும், தேவையற்ற கடல் பயணங்களைத் தவிர்க்குமாறும் அதிகாரிகள் அறிவுறுத்தியுள்ளனர்.
கடுமையான காற்று மற்றும் கொந்தளிப்பான கடல் நிலை காரணமாக கடலில் பயணிக்கும் சிறிய படகுகள் மற்றும் மீன்பிடி படகுகள் விசேட கவனம் செலுத்த வேண்டும் என்றும் தெரிவிக்கப்பட்டுள்ளது.
வானிலை தொடர்பான மேலதிக அறிவிப்புகளை தொடர்ந்து கவனிக்குமாறும் வளிமண்டலவியல் திணைக்களம் பொதுமக்களிடம் கோரியுள்ளது.
