தேசிய குரு பிரதீபா விருதைப் பெற்றார் வவுனியா ஆசிரியர் மொஹமட் றியாஸ்

1 minute read

வவுனியா புதிய சாளம்பைக்குளத்தைச் சேர்ந்த ஆசிரியர் மொஹமட் றியாஸ், தேசிய மட்டத்தில் வழங்கப்படும் சிறந்த ஆசிரியர்களுக்கான குரு பிரதீபா பிரபா விருதைப் பெற்று கௌரவிக்கப்பட்டுள்ளார்.

நாடு முழுவதும் கற்பித்தல் பணியில் சிறந்து விளங்கும் ஆசிரியர்களைக் கௌரவிக்கும் வகையில் ஆண்டுதோறும் வழங்கப்படும் இவ்விருது வழங்கும் நிகழ்வு, 2026 ஒக்டோபர் 6ஆம் திகதி கொழும்பு ஆனந்தா கல்லூரி மாநாட்டு மண்டபத்தில் நடைபெற்றது.

பிரதமரும் கல்வி அமைச்சருமான ஹரிணி அமரசூரிய பிரதம அதிதியாகக் கலந்துகொண்ட இந்த நிகழ்வில், வவுனியா புதிய சாளம்பைக்குளத்தைச் சேர்ந்தவரும், வ/சுந்தரபுரம் அரசினர் தமிழ் கலவன் பாடசாலையின் பிரதி அதிபரும் இரண்டாம் மொழி சிங்களப் பாட ஆசிரியருமான மொஹமட் றியாஸ் விருது வழங்கிக் கௌரவிக்கப்பட்டார்.

விளம்பரம்

Vavuniya Ads

இந்த விளம்பரம் Vavuniya Ads தயாரிப்பில் வழங்கப்படுகிறது.

விளம்பரம் தொடர்பான தகவல்களுக்கு விளம்பரதாரரை தொடர்புகொள்ளலாம்.

இந்த விளம்பரத்தை ஏன் மறைக்கிறீர்கள்?

எனக்கு இந்த விளம்பரம் தொடர்புடையதல்ல இந்த விளம்பரத்தை ஏற்கனவே பார்த்துவிட்டேன் விளம்பரம் அதிகமாக வருகிறது வேறு காரணம்

இந்த விருதைப் பெறுவதற்காக வலயம், கோட்டம் மற்றும் மாகாண மட்டங்களில் நடைபெற்ற நேர்முகத் தேர்வுகளில் வெற்றிபெற்ற அவர், இறுதியாக அகில இலங்கை மட்டத்தில் நடைபெற்ற நேர்முகத் தேர்விலும் வெற்றிபெற்று தேசிய விருதுக்குத் தெரிவாகியுள்ளார்.

கற்பித்தல் துறையில் தனது திறமையையும் அர்ப்பணிப்பையும் வெளிப்படுத்தி தேசிய மட்டத்தில் அங்கீகாரம் பெற்றுள்ள ஆசிரியர் மொஹமட் றியாஸின் இந்தச் சாதனை, வவுனியா மாவட்டத்திற்கும் அவர் பணியாற்றும் பாடசாலைச் சமூகத்திற்கும் பெருமை சேர்த்துள்ளது.