வவுனியா A9 வீதியில் சீமெந்து லொறி விபத்து – போக்குவரத்து பாதிப்பு
.jpg)
வவுனியா நகருக்குள் நுழையும் பகுதியில் சீமெந்து ஏற்றிச் சென்ற லொறி ஒன்று விபத்துக்குள்ளானதில், லொறியில் இருந்த சீமெந்து வீதியில் கொட்டப்பட்டு போக்குவரத்துக்கு பாதிப்பு ஏற்பட்டுள்ளது.
வவுனியா A9 பிரதான வீதியில், நகருக்குள் நுழையும் பகுதியில் அமைந்துள்ள வரவேற்பு மதிலுடன் இன்று சீமெந்து ஏற்றிச் சென்ற லொறி ஒன்று மோதியதில் இந்த விபத்து இடம்பெற்றுள்ளது.
விபத்தின் காரணமாக லொறியில் ஏற்றிச் செல்லப்பட்ட சீமெந்து வீதியில் கொட்டப்பட்டுள்ளது. குறித்த வீதி அதிகளவான வாகனங்கள் பயணிக்கும் பிரதான பாதையாக இருப்பதால், சீமெந்து புழுதி மற்றும் துகள்கள் காற்றில் பரவும் நிலை ஏற்பட்டுள்ளது.
இதனால் அந்த வீதியூடாக பயணிக்கும் பொதுமக்கள், மோட்டார் சைக்கிள் ஓட்டுநர்கள் மற்றும் வாகன சாரதிகள் சிரமங்களை எதிர்கொண்டு வருகின்றனர்.
அதிக போக்குவரத்து காரணமாக வீதியில் கொட்டப்பட்டுள்ள சீமெந்து புழுதி காற்றில் எழுவதுடன், அப்பகுதியில் பயணிப்பவர்களுக்கு அசௌகரியத்தையும் ஏற்படுத்தியுள்ளது.
சம்பவ இடத்தில் போக்குவரத்து நெரிசல் ஏற்படுவதற்கான வாய்ப்புகள் காணப்படுவதால், குறித்த பகுதியில் பயணிக்கும் வாகன சாரதிகள் அவதானத்துடன் பயணிக்குமாறு பொலிஸார் கோரிக்கை விடுத்துள்ளனர்.
பொது அறிவு வினாடி வினா
உங்கள் அறிவை சோதித்துப் பாருங்கள்!
