
சிறுவன் ஒருவரைப் பாரதூரமான பாலியல் துஷ்பிரயோகத்திற்கு உட்படுத்திய குற்றச்சாட்டில் குற்றவாளியாகக் காணப்பட்ட பிக்குவுக்கு எட்டு ஆண்டுகள் கடூழியச் சிறைத்தண்டனை விதித்து அனுராதபுர சிறுவர் குற்றங்களுக்கான சிறப்பு உயர் நீதிமன்றம் தீர்ப்பளித்துள்ளது.
அனுராதபுர சிறுவர் குற்றங்களுக்கான சிறப்பு உயர் நீதிமன்ற நீதிபதி சந்துன் விதானகே இந்தத் தீர்ப்பை வழங்கியுள்ளார்.
சூரியவெவ, வெனிவெலார, இலக்கம் 108 என்ற முகவரியில் வசிக்கும் சூரியவெவ சுமநாதம்ம தேரர் என்பவருக்கே இந்தத் தண்டனை விதிக்கப்பட்டுள்ளது.
மேலும், அவருக்கு 1,500 ரூபாய் அபராதம் விதித்த நீதிமன்றம், பாதிக்கப்பட்ட சிறுவனுக்கு 300,000 ரூபாய் இழப்பீட்டுத் தொகையை வழங்குமாறும் உத்தரவிட்டுள்ளது.
2021ஆம் ஆண்டு ஏப்ரல் 4ஆம் திகதி அல்லது அதனை அண்மித்த காலப்பகுதியில், அனுராதபுர உயர் நீதிமன்றத்தின் அதிகார வரம்பிற்கு உட்பட்ட தம்புத்தேகம பகுதியில் இந்தக் குற்றம் இடம்பெற்றதாகக் குற்றப்பத்திரிகையில் குறிப்பிடப்பட்டுள்ளது.
இந்தச் சம்பவம் தொடர்பில் சட்டமா அதிபரால் அனுராதபுர சிறுவர் குற்றங்களுக்கான சிறப்பு உயர் நீதிமன்றத்தில் குற்றப்பத்திரிகை தாக்கல் செய்யப்பட்டிருந்தது.
பொது அறிவு வினாடி வினா
உங்கள் அறிவை சோதித்துப் பாருங்கள்!