யாழ்ப்பாணத்தில் வாகன சாரதிகளுக்கு போதைப்பொருள் சோதனை; குடும்பத்துடன் காரில் வந்தவர் உட்பட இருவர் கைது!

யாழ்ப்பாணம் செம்மணிப் பகுதியில் முன்னெடுக்கப்பட்ட போதைப்பொருள் சோதனை நடவடிக்கையின்போது, வாகனங்களைச் செலுத்தி வந்த இருவர் போதைப்பொருள் பாவித்திருந்தமை உறுதிப்படுத்தப்பட்டுள்ளது.
யாழ்ப்பாணம் தலைமையகப் பொலிஸ் நிலையப் பொறுப்பதிகாரி தலைமையிலான பொலிஸாரும், யாழ்ப்பாணம் போதனா வைத்தியசாலையின் சட்ட வைத்திய அதிகாரியும் இணைந்து இந்தச் சோதனை நடவடிக்கையை முன்னெடுத்துள்ளனர்.
இதன்போது, வீதியில் பயணித்த 52 வாகன சாரதிகள் பரிசோதனைக்கு உட்படுத்தப்பட்டுள்ளனர். அவர்களில், காரொன்றில் குடும்பத்தினருடன் பயணித்த சாரதி உட்பட இருவர் போதைப்பொருள் பாவித்திருந்தமை பரிசோதனைகளில் உறுதிப்படுத்தப்பட்டுள்ளது.
இதனையடுத்து, குறித்த இருவரையும் பொலிஸார் கைது செய்து மேலதிக சட்ட நடவடிக்கைகளை முன்னெடுத்துள்ளனர்.
பொது அறிவு வினாடி வினா
உங்கள் அறிவை சோதித்துப் பாருங்கள்!