
கொழும்பு – கடுவலை நகரில் அமைந்துள்ள மின்சாதன உபகரண விற்பனை நிலையமொன்றில் இன்று (19) காலை ஏற்பட்ட தீ விபத்தில் ஒரே குடும்பத்தைச் சேர்ந்த நால்வர் உயிரிழந்துள்ளனர்.
இந்தத் துயரச் சம்பவத்தில் தாய், தந்தை மற்றும் இரண்டு வயது, ஆறு வயதுடைய இரு குழந்தைகள் என ஒரே குடும்பத்தைச் சேர்ந்த நால்வரும் உயிரிழந்துள்ளனர்.
தீ ஏற்பட்ட இரண்டு மாடிக் கட்டடத்தின் கீழ் தளத்தில் மின்சாதன உபகரண விற்பனை நிலையம் இயங்கி வந்துள்ளது. உயிரிழந்த குடும்பத்தினர் குறித்த கட்டடத்தின் மேல் மாடியில் வசித்து வந்ததாகத் தெரிவிக்கப்படுகிறது.
தீயைக் கட்டுப்படுத்துவதற்காக கோட்டே தீயணைப்புப் பிரிவைச் சேர்ந்த மூன்று தீயணைப்பு வாகனங்கள் சம்பவ இடத்திற்கு அனுப்பப்பட்டு தீயணைப்புப் பணிகள் முன்னெடுக்கப்பட்டுள்ளன.
எனினும், தீ பரவியதற்கான காரணம் இதுவரை கண்டறியப்படவில்லை. சம்பவம் தொடர்பான மேலதிக விசாரணைகளை உரிய அதிகாரிகள் முன்னெடுத்து வருகின்றனர்.
பொது அறிவு வினாடி வினா
உங்கள் அறிவை சோதித்துப் பாருங்கள்!