Meta சேவைகளில் கோளாறு: Facebook, Messenger, Instagram பயனர்கள் அவதி
.jpg)
மெட்டா நிறுவனத்திற்குச் சொந்தமான Facebook, Messenger மற்றும் Instagram சமூக ஊடக சேவைகளில் இன்று ஏற்பட்ட திடீர் தொழில்நுட்ப கோளாறு காரணமாக, உலகம் முழுவதும் பல பயனர்கள் தங்களது கணக்குகளை பயன்படுத்த முடியாமல் பாதிக்கப்பட்டுள்ளனர்.
குறிப்பாக, Facebook-இன் டெஸ்க்டொப் பதிப்பில் உள்நுழைய முயன்ற பயனர்களுக்கு, “தளச் சிக்கல் காரணமாக உங்கள் கணக்கு தற்போது கிடைக்கவில்லை. சில நிமிடங்களில் மீண்டும் முயற்சிக்கவும்” என்ற அறிவிப்பு தோன்றியதாக தெரிவிக்கப்பட்டுள்ளது.
சேவை முடக்கங்களைக் கண்காணிக்கும் DownDetector இணையதளத்தின் தகவலின்படி, இன்று காலை 9.00 மணியளவில் Facebook தொடர்பான புகார்கள் கணிசமாக அதிகரித்துள்ளன.
இந்நிலையில், இந்த கோளாறு உலகளாவிய சேவை தடையா அல்லது குறிப்பிட்ட பகுதிகளை மட்டுமே பாதித்ததா என்பது தொடர்பில் மெட்டா நிறுவனம் இதுவரை அதிகாரப்பூர்வமாக எந்த விளக்கத்தையும் வழங்கவில்லை.
