திலீபன் சிலை விவகாரம்: உரிய நேரத்தில் செயற்றிட்டம் – டக்ளஸ்
.jpg)
திலீபனின் சிலை அகற்றப்பட்ட விவகாரம் தொடர்பில் அரசாங்கம் தனது நிலைப்பாட்டை ஏற்கனவே தெளிவுபடுத்தியுள்ளதாக முன்னாள் அமைச்சர் டக்ளஸ் தேவானந்தா தெரிவித்துள்ளார்.
யாழ்ப்பாணத்தில் நடைபெற்ற ஊடகவியலாளர் சந்திப்பில் கருத்து வெளியிட்ட அவர், அரசாங்கம் தனது நிலைப்பாட்டின் அடிப்படையிலேயே செயற்பட்டு வருவதாக குறிப்பிட்டுள்ளார்.
இந்த விவகாரத்தில் தமிழ் அரசியல் கட்சிகள் தமக்கிடையே மோதல்களில் ஈடுபட்டு வருவதாகவும் டக்ளஸ் தேவானந்தா கூறியுள்ளார்.
திலீபன் சிலை விவகாரத்தை தற்போது தான் பெரிதாக அலட்டிக்கொள்ளவில்லை எனத் தெரிவித்த அவர், தனக்கான காலம் வரும்போது உரிய செயற்றிட்டத்தை முன்வைப்பேன் எனவும் தெரிவித்துள்ளார்.
யாழ்ப்பாணத்தின் பல்வேறு பகுதிகளில் தமிழ் மக்களின் வரலாற்று அடையாளங்களை பிரதிபலிக்கும் சிலைகளை நிறுவுவதற்கு கடந்த காலங்களில் தான் நடவடிக்கை எடுத்ததாகவும் அவர் குறிப்பிட்டுள்ளார்.
மணிக்கூட்டு கோபுரப் பகுதியில் மும்மன்னர்களின் சிலை, உரும்பிராயில் பொன் சிவகுமாரனின் சிலை, முத்திரைச் சந்தியில் சங்கிலியனின் சிலை மற்றும் மடத்தகடியில் தனிகாசலம் அடிகளாரின் சிலை உள்ளிட்டவற்றை நிறுவுவதில் தான் பங்களித்ததாகவும் அவர் தெரிவித்துள்ளார்.
தமிழ் மக்களின் வரலாற்று அடையாளங்களை பாதுகாக்கும் விடயத்தில் எதிர்காலத்திலும் உரிய நேரத்தில் நடவடிக்கைகளை மேற்கொள்வேன் என டக்ளஸ் தேவானந்தா கூறியுள்ளார்.
பொது அறிவு வினாடி வினா
உங்கள் அறிவை சோதித்துப் பாருங்கள்!
