
நுவரெலியா, வட்டவளை டெம்பிள்ஸ்டோ தோட்டப் பகுதியில் அமைந்துள்ள பாடசாலையொன்றில் வழங்கப்பட்ட காலை உணவை உட்கொண்ட 34 மாணவர்கள் வைத்தியசாலையில் அனுமதிக்கப்பட்டுள்ளனர்.
இன்று (17) காலை பாடசாலையில் வழங்கப்பட்ட உணவை உட்கொண்ட பின்னர், மாணவர்களுக்கு வாந்தி, மயக்கம் மற்றும் நெஞ்சுவலி போன்ற அறிகுறிகள் ஏற்பட்டுள்ளதாகத் தெரிவிக்கப்படுகிறது.
இதனையடுத்து, பாதிக்கப்பட்ட 34 மாணவர்களும் வட்டவளை பிரதேச வைத்தியசாலையில் அனுமதிக்கப்பட்டுள்ளனர் என வைத்தியசாலை வட்டாரங்கள் தெரிவித்துள்ளன.
குறித்த பாடசாலையில் தரம் 3 முதல் தரம் 5 வரை கல்வி பயிலும் மாணவர்களே இவ்வாறு பாதிக்கப்பட்டுள்ளனர்.
இன்று காலை மாணவர்களுக்கு சோறு, உருளைக்கிழங்கு, பீட்ரூட் கறி மற்றும் கீரை வகையொன்று உணவாக வழங்கப்பட்டதாக மாணவர்கள் தெரிவித்துள்ளனர்.
எனினும், வைத்தியசாலையில் அனுமதிக்கப்பட்ட மாணவர்களின் உடல்நிலை பாரதூரமானதாக இல்லை என மாவட்ட வைத்திய அதிகாரி தெரிவித்துள்ளார்.
சம்பவம் தொடர்பில் வட்டவளை பொலிஸாரும், பொது சுகாதாரப் பரிசோதகர்களும் தனித்தனியாக விசாரணைகளை முன்னெடுத்து வருகின்றனர்.
மாணவர்களுக்கு ஏற்பட்ட பாதிப்புக்கான உண்மையான காரணம் தொடர்பில் விசாரணைகளின் பின்னரே உறுதிப்படுத்த முடியும் எனத் தெரிவிக்கப்படுகிறது.
பொது அறிவு வினாடி வினா
உங்கள் அறிவை சோதித்துப் பாருங்கள்!