தங்கம் வாங்குபவர்களுக்கு நற்செய்தி
.jpg)
இலங்கையில் தங்கம் வாங்கத் திட்டமிட்டு இருந்தவர்களுக்கு இன்று (06) சற்று ஆறுதல் தரும் வகையில் தங்க விலையில் மீண்டும் சரிவு பதிவாகியுள்ளது.
அகில இலங்கை நகையக வியாபாரிகள் சங்கம் வெளியிட்டுள்ள தகவலின்படி, நேற்றைய தினத்துடன் ஒப்பிடுகையில் 24 கரட் தங்கத்தின் விலை ஒரு பவுணுக்கு 2,000 ரூபாயால் குறைந்துள்ளது.
தற்போதைய சந்தை விலைப்படி, 24 கரட் தங்கம் ஒரு பவுண் 384,000 ரூபாயாகவும், 22 கரட் தங்கம் ஒரு பவுண் 353,400 ரூபாயாகவும் விற்பனை செய்யப்படுகிறது.
அதேவேளை, 24 கரட் தங்கத்தின் ஒரு கிராமின் விலை 48,000 ரூபாயாகவும், 22 கரட் தங்கத்தின் ஒரு கிராமின் விலை 44,175 ரூபாயாகவும் பதிவாகியுள்ளது.
தொடர்ச்சியாக ஏற்ற இறக்கங்களை சந்தித்து வரும் தங்க சந்தையில், இன்றைய விலை வீழ்ச்சி நகை வாங்க திட்டமிட்டுள்ள பொதுமக்கள் மற்றும் தங்க முதலீட்டாளர்களின் கவனத்தை ஈர்த்துள்ளது.
சர்வதேச சந்தை நிலவரங்கள் மற்றும் நாணய மாற்று விகிதங்களில் ஏற்படும் மாற்றங்கள் தங்க விலைகளில் தாக்கத்தை ஏற்படுத்தி வருவதாக சந்தை ஆய்வாளர்கள் தெரிவிக்கின்றனர்.
