ஸ்பெயின் அபார வெற்றி; ஆஸ்திரியாவை 3-0 என வீழ்த்தி அடுத்த சுற்றுக்கு முன்னேற்றம்

உலகக்கோப்பை கால்பந்து தொடரின் நொக்-அவுட் சுற்றுப் போட்டியில் ஆஸ்திரியா அணியை 3-0 என்ற கோல் கணக்கில் வீழ்த்திய ஸ்பெயின் அணி அடுத்த சுற்றுக்கு முன்னேறியுள்ளது.

லீக் சுற்றுப் போட்டிகள் நிறைவடைந்ததைத் தொடர்ந்து நடைபெற்று வரும் இரண்டாவது சுற்று ஆட்டங்களில், நள்ளிரவு நடைபெற்ற முக்கிய மோதலில் ஸ்பெயின் மற்றும் ஆஸ்திரியா அணிகள் பலப்பரீட்சை நடத்தின.

அமெரிக்காவின் லாஸ் ஏஞ்சல்ஸ் நகரில் அமைந்துள்ள மைதானத்தில் நடைபெற்ற இந்தப் போட்டியில், 36ஆவது நிமிடத்தில் ஸ்பெயின் அணிக்காக மிகெல் ஒயார்ஜபால் முதல் கோலைப் பதிவு செய்து அணியை முன்னிலைப்படுத்தினார். இதன்மூலம் முதல் பாதி முடிவில் ஸ்பெயின் அணி 1-0 என்ற கோல் கணக்கில் முன்னிலையில் இருந்தது.

இரண்டாவது பாதியிலும் ஸ்பெயின் அணியின் ஆதிக்கம் தொடர்ந்தது. போட்டியின் 66ஆவது நிமிடத்தில் பெட்ரோ பொர்ரோ இரண்டாவது கோலைப் பதிவு செய்தார். தொடர்ந்து, 89ஆவது நிமிடத்தில் மீண்டும் கோல் அடித்த மிகெல் ஒயார்ஜபால், ஸ்பெயின் அணியின் வெற்றியை உறுதிப்படுத்தினார்.

மறுபுறம், ஆஸ்திரியா அணியால் எந்தவொரு கோலையும் பதிவு செய்ய முடியாத நிலையில், இறுதியில் 3-0 என்ற கோல் கணக்கில் வெற்றி பெற்ற ஸ்பெயின் அணி காலிறுதிச் சுற்றுக்கு முன்னேறியதுடன், ஆஸ்திரியா அணி தொடரிலிருந்து வெளியேறியது.

கொழும்பில் இருந்து நுவரெலியா சென்ற லொறி விபத்து: மூவர் காயம்

தந்தையை பிரதிபலிக்கும் சமித் ட்ராவிட்; ரசிகர்கள் பாராட்டு