.jpg)
இலங்கையில் சில முக்கிய சேவைகள் மற்றும் நடவடிக்கைகளை மேற்கொள்ளும் போது 2026 நவம்பர் 1ஆம் திகதி முதல் செல்லுபடியாகும் TIN இலக்கத்தை சமர்ப்பிப்பது கட்டாயமாக்கப்பட்டுள்ளதாக உள்நாட்டு இறைவரித் திணைக்களம் தெரிவித்துள்ளது.
இதன்படி, வங்கி அல்லது நிதி நிறுவனத்தில் கணக்கை ஆரம்பிப்பவர்கள் TIN இலக்கத்தை சமர்ப்பிக்க வேண்டும்.
கட்டிட வரைபட அனுமதி பெறுதல், மோட்டார் வாகனப் பதிவு செய்தல் மற்றும் வாகன உரிமத்தைப் புதுப்பித்தல் போன்ற நடவடிக்கைகளுக்கும் இந்த நடைமுறை பொருந்தும்.
அதேபோல், காணி அல்லது காணி உரிமையைப் பதிவு செய்தல், வியாபாரப் பதிவு, இலங்கையில் பதிவு செய்யப்பட்ட நிறுவனமொன்றின் பங்குகளைப் பரிமாற்றம் செய்தல் மற்றும் கடன் அட்டையைப் பெறுதல் ஆகியவற்றுக்கும் செல்லுபடியாகும் TIN இலக்கம் அவசியமாகும் என திணைக்களம் குறிப்பிட்டுள்ளது.
குறித்த நடவடிக்கைகளை மேற்கொள்ளும் பொறுப்பான அதிகாரிகள், சமர்ப்பிக்கப்படும் TIN இலக்கம் செல்லுபடியாக உள்ளதா என்பதை உறுதிப்படுத்திய பின்னரே நடவடிக்கைகளை மேற்கொள்ள வேண்டும் எனவும் அறிவுறுத்தப்பட்டுள்ளது.
இதுவரை TIN இலக்கம் இல்லாதவர்கள் உள்நாட்டு இறைவரித் திணைக்களத்தின் e-Services வசதியைப் பயன்படுத்தி TIN இலக்கத்திற்காக விண்ணப்பிக்குமாறு கேட்டுக்கொள்ளப்பட்டுள்ளனர்.
பொது அறிவு வினாடி வினா
உங்கள் அறிவை சோதித்துப் பாருங்கள்!
