.jpg)
ராகம – கந்தானை வீதியில் வல்பொல ரயில்வே கடவை அருகே நேற்று (22) இடம்பெற்ற விபத்தில் 8 வயது சிறுமி உயிரிழந்துள்ளார்.
வல்பொல கோவிலில் இருந்து வல்பொல ரயில் நிலையம் நோக்கிச் சென்ற கழிவுப் பொருட்களை ஏற்றிய லொறி ஒன்று சாரதியின் கட்டுப்பாட்டை இழந்ததாக பொலிஸார் தெரிவித்துள்ளனர்.
ரயில்வே கடவையின் பாதுகாப்பு கதவுகள் மூடப்பட்டிருந்த நிலையில் இடம்பெற்ற இந்த சம்பவத்தில், கடவை அருகே நிறுத்தப்பட்டிருந்த இரண்டு கார்கள் மற்றும் மற்றுமொரு லொறி மீது கட்டுப்பாட்டை இழந்த லொறி மோதியுள்ளது.
இதன்போது வீதியோரமாக நடந்து சென்ற ஒரே குடும்பத்தைச் சேர்ந்த தாய், மகன் மற்றும் மகள் ஆகியோரும் காயமடைந்துள்ளனர். அவர்கள் ராகம வைத்தியசாலையில் அனுமதிக்கப்பட்டனர்.
சிகிச்சை பெற்று வந்த 8 வயது சிறுமி பின்னர் உயிரிழந்துள்ளதாக பொலிஸார் தெரிவித்துள்ளனர்.
சம்பவத்துடன் தொடர்புடைய லொறி ஒன்றின் சாரதி கைது செய்யப்பட்டுள்ளதுடன், விபத்தை ஏற்படுத்திய லொறியின் சாரதி திடீர் உடல்நலக்குறைவு காரணமாக வைத்தியசாலையில் அனுமதிக்கப்பட்டுள்ளார்.
சம்பவம் தொடர்பான மேலதிக விசாரணைகளை ராகம பொலிஸார் முன்னெடுத்து வருகின்றனர்.
பொது அறிவு வினாடி வினா
உங்கள் அறிவை சோதித்துப் பாருங்கள்!
