50,000-க்கு இரண்டு மாத பெண் குழந்தை விற்பனை செய்யப்பட்டதாக குற்றச்சாட்டு – தாய் கைது!
.jpg)
தமிழ்நாட்டின் திருப்பத்தூர் மாவட்டம் ஆம்பூரில், இரண்டு மாத பெண் குழந்தை ரூ.50,000-க்கு விற்பனை செய்யப்பட்டதாகக் கூறப்படும் சம்பவம் பெரும் அதிர்ச்சியையும் பரபரப்பையும் ஏற்படுத்தியுள்ளது.
சம்பவம் தொடர்பில் பொலிஸார் மேற்கொண்ட விசாரணைகளின் அடிப்படையில், குழந்தையை விற்பனை செய்ததாகக் குற்றஞ்சாட்டப்பட்ட தாய் கைது செய்யப்பட்டுள்ளார்.
மேலும், குழந்தையை வாங்கியதாகக் கூறப்படும் நபர் உள்ளிட்ட சம்பவத்துடன் தொடர்புடைய பலரும் விசாரணைக்கு உட்படுத்தப்பட்டுள்ளதாக அதிகாரிகள் தெரிவித்துள்ளனர்.
ஆரம்பக்கட்ட விசாரணைகளின் அடிப்படையில், குழந்தையை சட்டவிரோதமாக விற்பனை செய்த குற்றச்சாட்டின் கீழ் மொத்தம் ஆறு பேருக்கு எதிராக வழக்குப் பதிவு செய்யப்பட்டுள்ளதாக தகவல்கள் வெளியாகியுள்ளன.
இதனையடுத்து, சம்பவத்தில் தொடர்புடைய ஏனைய சந்தேகநபர்களை கைது செய்வதற்கான நடவடிக்கைகளை காவல்துறையினர் தீவிரப்படுத்தியுள்ளனர்.
அதேவேளை, குழந்தையின் பாதுகாப்பு மற்றும் நலனை உறுதிப்படுத்துவதற்காக குழந்தைகள் பாதுகாப்பு அதிகாரிகள் மற்றும் சம்பந்தப்பட்ட துறைகள் தேவையான நடவடிக்கைகளை மேற்கொண்டு வருகின்றன.
இந்த சம்பவம் தொடர்பான மேலதிக விசாரணைகள் தொடர்ந்தும் முன்னெடுக்கப்பட்டு வருகின்றன.
