விஜய்யின் தீவிர ரசிகன் நாசா விஞ்ஞானி? வைரலாகும் தகவல்

நடிகரும் தமிழக வெற்றிக் கழகத்தின் தலைவருமான விஜய்யின் தீவிர ரசிகர் என நாசாவின் முன்னாள் விண்வெளி விஞ்ஞானி மருத்துவர் டோன் தோமஸ் தெரிவித்ததாக கூறப்படும் தகவல் சமூக வலைத்தளங்களில் வைரலாகி வருகிறது.

தமிழ்நாட்டின் சிவகங்கை மாவட்டம் காரைக்குடியில் உள்ள தனியார் பாடசாலை ஒன்றில் நடைபெற்ற சிறப்பு நிகழ்வில் மருத்துவர் டோன் தோமஸ் கலந்துகொண்டு மாணவர்களுடன் கலந்துரையாடியுள்ளார்.

இதன்போது, நாசா விண்வெளி நிலையத்தின் சென்னை கிளை பிரதம நிறைவேற்று அதிகாரி காயம்பு இராமலிங்கம், தமிழக முதல்வர் விஜய் தொடர்பில் மருத்துவர் டோன் தோமஸிடம் கேள்வி எழுப்பியதாக தெரிவிக்கப்படுகிறது.

அதற்கு பதிலளித்த மருத்துவர் டோன் தோமஸ், தான் விஜய்யின் தீவிர ரசிகர் என தெரிவித்ததுடன், அவரது நிர்வாகத் திறமையையும் பாராட்டியதாக கூறப்படுகிறது.

இதனைத் தொடர்ந்து, விஜய்யின் பிரபலமான கை சைகையை மருத்துவர் டோன் தோமஸ் மேடையில் செய்து காட்டியதாகவும் தெரிவிக்கப்படுகிறது.

இந்த சம்பவம் தொடர்பான காணொளி மற்றும் தகவல்கள் தற்போது சமூக வலைத்தளங்களில் வேகமாகப் பகிரப்பட்டு வருகின்றன.

இதனால், நாசா விஞ்ஞானி ஒருவர் விஜய்யின் ரசிகர் எனக் கூறியதாக வெளியாகியுள்ள தகவல் இணையத்தில் கவனம் பெற்றுள்ளது.

நுவரெலியாவில் கனமழை: நீர்த்தேக்கங்களின் நீர்மட்டம் வேகமாக உயர்வு

வவுனியா நொச்சிமோட்டையில் மரத்தில் இருந்து வீழ்ந்து குடும்பஸ்தர் உயிரிழப்பு