வவுனியாஇலங்கைசெய்திகள்வடக்கு மாகாணம்
வவுனியாவில் காணாமல் போன 62 வயது நபர் சடலமாக மீட்பு; பொலிஸார் விசாரணை
.jpg)
வவுனியாவில் கடந்த 20ஆம் திகதி முதல் காணாமல் போயிருந்த 62 வயதுடைய நபர் இன்று (22) காலை சடலமாக மீட்கப்பட்டுள்ளார்.
வவுனியா மில் வீதி பகுதியில் இருந்து காணாமல் போனதாக குடும்பத்தினரால் தெரிவிக்கப்பட்டிருந்த தேவகாயம் தொம்பிலிப்பு என்பவரே பறயனாளங்குளம் வனப்பகுதியில் சடலமாக மீட்கப்பட்டுள்ளார்.
கடந்த ஆகஸ்ட் 20ஆம் திகதி காலை 7.00 மணியளவில் மில் வீதி பகுதியில் இருந்து அவர் காணாமல் போயிருந்ததாக குடும்பத்தினர் தெரிவித்திருந்தனர்.
இந்நிலையில், இன்று காலை பறயனாளங்குளம் வனப்பகுதியில் அவரது சடலம் மீட்கப்பட்டுள்ளதாக தெரிவிக்கப்படுகிறது.
அவரது மரணம் தொடர்பான காரணத்தை கண்டறிவதற்காக பொலிஸார் விசாரணைகளை ஆரம்பித்துள்ளனர்.
