உலகக் கிண்ண இறுதிப்போட்டி டிக்கெட் விலையில் புதிய சாதனை
.jpg)
உலகம் முழுவதும் கால்பந்து ரசிகர்களின் கவனத்தை ஈர்த்துள்ள உலகக் கிண்ண கால்பந்து தொடரின் இறுதிப்போட்டி நாளை (18) நள்ளிரவில் அமெரிக்காவின் நியூயார்க் நகரில் நடைபெறவுள்ளது.
இந்த இறுதிப்போட்டியில் அர்ஜென்டினா மற்றும் ஸ்பெயின் அணிகள் பலப்பரீட்சை நடத்துகின்றன. உலக கால்பந்தின் முன்னணி அணிகளாக விளங்கும் இவ்விரு அணிகளும் உலகக் கிண்ண இறுதிப்போட்டியில் பல தசாப்தங்களுக்குப் பிறகு நேருக்கு நேர் மோதவுள்ளதால், ரசிகர்களிடையே மிகுந்த எதிர்பார்ப்பு நிலவுகிறது.
மேலும், பிபா உலகத் தரவரிசை முறை 1992ஆம் ஆண்டு அறிமுகப்படுத்தப்பட்டதிலிருந்து, தரவரிசையில் முதல் இரண்டு இடங்களில் உள்ள அணிகள் உலகக் கிண்ண இறுதிப்போட்டியில் மோதும் முதல் சந்தர்ப்பம் இதுவாகும். தற்போதைய தரவரிசையில் அர்ஜென்டினா முதலிடத்திலும், ஸ்பெயின் இரண்டாவது இடத்திலும் உள்ளன.
இந்நிலையில், இறுதிப்போட்டியை நேரில் காண்பதற்கான டிக்கெட் விலையும் புதிய சாதனையைப் படைத்துள்ளது.
வெளியான தகவல்களின்படி, ஒரு டிக்கெட்டின் குறைந்தபட்ச விலை இந்திய மதிப்பில் 7 லட்சம் ரூபாய் முதல் ஆரம்பமாகிறது. மைதானத்தில் இருக்கையின் அமைவிடத்தைப் பொறுத்து சில டிக்கெட்டுகள் 10 லட்சம் ரூபாய் வரை விற்பனை செய்யப்படுகின்றன.
அதேவேளை, விவிஐபி (VVIP) இருக்கைகளுக்கான டிக்கெட்டுகள் இந்திய மதிப்பில் 27 லட்சம் ரூபாய் வரை விற்பனை செய்யப்பட்டுள்ளதாக தெரிவிக்கப்பட்டுள்ளது.
இந்த உயர்ந்த டிக்கெட் விலையால், அமெரிக்காவில் நடைபெற்ற விளையாட்டுப் போட்டிகளில் அதிக விலைக்கு டிக்கெட்டுகள் விற்பனையான போட்டிகளில் ஒன்றாக இந்த உலகக் கிண்ண இறுதிப்போட்டி பதிவாகியுள்ளது.
